عرب اتحاد کے مآرب میں 35 اور مغربی ساحل 3فضائی حملے

صنعا :یمن میں آئینی حکومت کے دفاع میں سرگرم عرب اتحاد نے کل اتوار کو اعلان کیا کہ اس نے مآرب گورنری میں حوثی ملیشیا کے خلاف گذشتہ 24 گھنٹوں کے دوران 35 ٹارگٹنگ آپریشنز کیے ہیں۔اتحاد نے مزید کہا کہ ان اہداف نے 21 فوجی گاڑیاں تباہ کیں اور ملیشیا کو جانی نقصان پہنچایا۔ حملوں میں ہلاک ہونے والے دہشت گردوں کی تعداد 200 سے زیادہ بتائی جاتی ہے۔عرب اتحاد نے مزید کہا کہ اس نے ساحلی فورسز کی مدد اور شہریوں کی حفاظت کے لیے مغربی ساحل پر 3 اہدافی کارروائیاں کیں۔بیان میں وضاحت کی گئی ہے کہ مغربی ساحلی کارروائیوں میں ملیشیا کی دو فوجی گاڑیوں کو نشانہ بنایا گیا جن میں 15 حوثی مارے گئے۔اتحاد فوج نے کہا کہ ہم سٹاک ہوم معاہدے کے متن سے باہر مغربی ساحل پر یمنی افواج کی حمایت کرتے ہیں۔گزشتہ روز عرب اتحاد نے اعلان کیا کہ اس نے مآرب میں حوثی ملیشیا کے خلاف 36 اہدافی کارروائیاں کی ہیں۔ اتحاد نے مزید کہا کہ مآرب میں ہونے والے حملے میں ملیشیا کی 20 فوجی گاڑیاں اور کنٹرول یونٹ تباہ ہوئے۔