امریکی ریاستوں میں طوفان کی تباہی، سات افراد ہلاک

واشنگٹن:امریکی ریاستوں اوکلاہوما، ٹیکساس اور لوئزیانا میں طوفان نے تباہی مچا دی، خراب موسم سے منسلک مختلف واقعات میں 7 افراد ہلاک ہو گئے۔میڈیارپورٹس کے مطابق طوفان کے باعث ٹیکساس کے ڈیڑھ لاکھ افراد بجلی کے بغیر گزارا کر رہے ہیں، اوکلاہوما کے ایک قصبے میں فیکٹری سے نکلنے والے مزدور طوفانی بگولے میں پھنس گئے۔ بگولے نے ایک مزدور کو چار سو میٹر دور پھینک دیا جس سے وہ ہلاک ہو گیا۔اسی قصبے میں بگولے سے ایک شخص کی کار اڑ کر دور جا گری جس سے وہ بھی ہلاک ہو گیا جبکہ ٹیکساس میں بھی طوفانی بگولوں نے گھروں کو نقصان پہنچایا جس سے تین افراد ہلاک ہو گئے اور لوئزیانا میں ایک شخص سیلابی پانی میں بہہ کر ہلاک ہو گیا۔