بابر اعظم بہترین بلے باز ہیں، انکی ترقی کی کوئی حد نہیں،رکی پونٹنگ

آسٹریلیا کے سابق کپتان اور ماضی میں ٹیسٹ کرکٹ کے بہترین بلے بازوں میں شمار ہونے والے اسٹائلش بیٹر رکی پونٹنگ نے پاکستان کرکٹ ٹیم کے کپتان بابر اعظم کے حوالے سے اہم پیش گوئی کی ہے۔
کرکٹ ویب سائٹ کرک انفو کے مطابق رکی پونٹنگ نے اپنے ایک بیان میں کہا کہ میں پہلے بھی کہہ چکا ہوں کہ بابراعظم کے لیے ترقی کی کوئی حد نہیں ہے، یہ صرف وقت کی بات ہے، میں پہلے بھی سمجھتا تھا کہ بابر یا تو ٹیسٹ کا نمبر ون بیٹر بنے گا یا پھر یقینی طور پر اس نمبر کو چیلنج کرے گا۔
خیال رہے کہ بابر اعظم اس وقت ٹی ٹوئنٹی اور ون ڈے میں نمبر ون پر ہیں جبکہ ٹیسٹ رینکنگ میں ان کا نمبر نواں ہے اور ان کے ریٹنگ پوائنٹس کی تعداد 750 ہے۔