پی ایس ایل7، کوئٹہ کا کراچی کو جیت کیلئے 167رنز کا ہدف

پاکستان سپر لیگ 7 کے فیصلہ کن میچ میں کوئٹہ گلیڈی ایٹرز نے کراچی کنگز کو جیتنے کے لیے 167 رنز کا ہدف دیا ہے۔
لاہور کے قذافی اسٹیڈیم میں کھیلے جانے والے اس میچ میں کوئٹہ گلیڈی ایٹرز نے ٹاس جیت کر پہلے بیٹنگ کرنے کا فیصلہ کیا۔
کوئٹہ گلیڈی ایٹرز کی ٹیم نے مقررہ 20 اوورز میں 4 وکٹوں کے نقصان پر 166 رنز بنائے جس میں اوپنر جیسن رائے نے 64 گیندوں پر 82 رنز اسکور کیے۔
کوئٹہ کی جانب سے جیسن رائے نے 82، وِل سمیڈ نے 10، جیمز ونس نے 29 رنز بنائے۔ مڈل آرڈر بیٹر عمر اکمل نے 2، جب کہ افتخار احمد نے 21 اور حسن خان نے 3 رنز بنائے۔
کوئٹہ گلیڈی ایٹرز نے اپنی ٹیم میں لیگ سے دستبردار ہونے والے آسٹریلوی کرکٹر جیمز فالکنر کی جگہ پاکستان کے انڈر 19 پلیئر محمد شہزاد کو شامل کیا ہے۔
کراچی کی جانب سے عماد وسیم، میر حمزہ، عثمان شنواری اور لیوس گریگری نے ایک، ایک وکٹ حاصل کی۔
واضح رہے کہ کراچی کنگز اور کوئٹہ گلیڈی ایٹرز گروپ میں اپنا آخری میچ کھیل رہی ہے۔
کوئٹہ کو اگر پلے آف میں کوالیفائی کرنا ہے تو اسے یہ میچ بھاری مارجن سے جیتنا ہوگا، اس کے علاوہ یہ بھی ضروری ہے کہ اسلام آباد شام میں ملتان سلطانز سے ہونے والا میچ ہار جائے۔