اسماعیل ھنیہ کا روسی نائب وزیر خارجہ کوفون

دوحا(مانیٹرنگ ڈیسک)اسلامی تحریک مزاحمت (حماس)کے سیاسی بیورو کے سربراہ اسماعیل ھنیہ نے روسی نائب وزیر خارجہ، مشرق وسطی اور شمالی افریقہ کے لیے روسی صدر کے خصوصی ایلچی میخائل بوگدانوف کے ساتھ ٹیلی فونک گفتگو کے دوران اسرائیلی جارحیت پر تبادلہ خیال کیا۔ اسماعیل ھنیہ نے غزہ کی پٹی پر مسلط کی گئی اسرائیلی جارحیت فوری طور پر رکوانے کے لیے صہیونی ریاست پر دباﺅ ڈالنے کا مطالبہ کیا۔فون پرگفتگو کے دوران ھنیہ نے فلسطینی شہریوں کے خلاف قابض فوج کی طرف سے کئے جانے والے جرائم کی تفصیل بیان کی۔ انہوں نے روسی عہدیدار کو بتایا کہ اسرائیلی فوج غزہ کی پٹی میں مزاحمتی قوتوں کو کچلنے کی آڑ میں نہتے اور بے گناہ شہریوں کا قتل عام کررہا ہے۔