فلسطین کی ریسکیو ٹیم سیلاب امدادی مشن کے لیے پاکستان پہنچ گئی
اسلام آباد (انتخاب نیوز) فلسطین کی ریپڈ ریسپانس اور ریسکیو ٹیم سیلاب امدادی مشن کے لیے پاکستان پہنچ گیا۔ ہفتہ کے روز ریاست فلسطین کی ریپڈ ریسپانس اور ریسکیو ٹیم سیلاب کے نتیجے میں ہونے والے نتائج کا سامنا کرنے کے لیے پاکستانی حکومت کی کوششوں میں مدد کے لیے انسانی اور امدادی مشن کے لیے پاکستان پہنچ گیا۔ اسلام آبادمیں فلسطین کے سفارتخانے سے جاری بیان کے مطابق وفاقی وزیر انسانی حقوق ریاض حسین پیرزادہ مصور عباس شاہ، ڈائریکٹر مشرق وسطیٰ وزارت خارجہ امور اورفلسطینی سفیر نے اسلام آباد ایئرپورٹ پر فلسطینی ٹیم کا استقبال کیا۔ یہ اقدامات فلسطینی عوام کی مہم "پاکستان کے ساتھ وفاداری،یروشلم تمہارے ساتھ کا حصہ ہیں جو کہ گزشتہ ماہ فلسطینی ایوان صدر کی جانب سے پاکستان کے سیلاب کے متاثرین کے لیے شروع کی گئی تھی۔معاون وزیر برائے بین الاقوامی تعاون اور پی آئی اسی اے کے ڈائریکٹر جنرل کی قیادت میں فلسطینی ہلال احمر اور شہری دفاع کے ماہرین اور خصوصی ڈاکٹروں پر مشتمل ٹیم ڈیرہ اسماعیل خان کے علاقے میں مشن انجام دے گی۔
