پاگل شخص سے بات ممکن نہیں, خان صاحب! ہم مکمل تیار ہیں، رانا ثنا اللہ

اسلام آباد(انتخاب نیوز)وفاقی وزیرِداخلہ رانا ثنا اللہ نے کہا ہے کہ عمران خان جیسے پاگل شخص سے بات ممکن نہیں،خان صاحب نے تیاری پکڑی ہے ہم مکمل تیار ہیں۔وفاقی وزیرِداخلہ رانا ثنا اللہ نے پارلیمنٹ میں صحافیوں سے غیررسمی گفتگو کرتے ہوئے کہا کہ ریڈ زون کو احتیاط برتنے کے لئے سیل کیا ہے،ریڈ زون کو آج کھول رہے ہیں۔انہوں نے کہا کہ جب خان صاحب آنے کا ارادہ ظاہر کریں گے تو دوبارہ سیل کریں گے،مظاہرین کے لئے جدید طریقہ اختیار جائے گا ،ڈرون کے استعمال پر بھی غور کیاجائے گا ،صوبوں سے پولیس فورس مانگی ہے۔انہوں نے کہا کہ اگر صوبوں نے پولیس کی نفری بھجوانے سے انکار کیا تو ان کے خلاف آئینی کے تحت کارروائی ہوگی۔