کورونا وائرس کو روکنے کے لیے کرفیولگایا جائے،ملک ولی کاکڑ

کوئٹہ: بلوچستان نیشنل پارٹی کے مرکزی سینئر نائب صدر ملک عبدالولی کاکڑ نے صوبے میں کووڈ19(کورونا وائرس) کے کیسز میں اضافے پر تشویش کااظہار کرتے ہوئے کہاہے کہ حکومت فوری طورپر اس وباء سے غریب عوام کو محفوظ بنانے کیلئے رمضان المبارک اور عید کے موقع پر کرفیو لگائیں بلکہ اس حوالے سے علماء اکرام عوام میں پائی جانے والی غلط فہمی کو دور کرنے کیلئے اپنا کردارادا کریں،بلوچستان میں صحت کی سہولیات کا فقدان ہے عوام فوری طورپر سختی کے ساتھ احتیاطی تدابیر اختیار کریں تاکہ وہ خود کو اس وباء سے محفوظ کرسکیں۔ان خیالات کااظہار انہوں نے گزشتہ روز گفتگو کرتے ہوئے کیا۔ملک عبدالولی کاکڑ نے کہاکہ ورلڈ ہیلتھ آرگنائزیشن کی جانب سے عالمی وباء کورونا وائرس کے کیسز میں اضافے پر کے حوالے سے وارننگ جاری کی ہے کہ آنے والی صورتحال کو تشویش ناک قراردیاہے لہٰذاء حکومت کوچاہیے کہ وہ کیسز میں اضافے کی روک تھام کیلئے عید کے موقع پر اور رمضان المبارک کے آخر میں فوری طورپر کرفیو لگائیں،بلوچستان میں صحت کی سہولیات کے فقدان کے باعث غریب عوام علاج ومعالجے کیلئے دردر کی ٹھوکریں کھانے پرمجبور ہیں لہٰذاء وہ احتیاطی تدابیر پر سختی سے عملدرآمد کریں تاکہ خود کو اس وباء سے محفوظ کرسکیں۔،انہوں نے علماء اکرام سے اپیل کی کہ وہ اس سلسلے میں اپنا کردارادا کریں بلکہ لوگوں میں پائی جانے والی غلط فہمی کو دور کرنے کیلئے اپنا کردارادا کریں،اس سے دنیا کا ہر شخص جو احتیاط نہیں کرے گا متاثر ہوگا جس طرح آج دنیا میں لاکھوں کی تعداد میں لوگ اس سے متاثر ہورہے ہیں۔انہوں نے کہاکہ کورونا کی وباء کے باعث عید کے موقع پر کسی سے عید نہیں ملیں گے اور تمام افراد سے گزارش ہے کہ وہ اس سلسلے میں زحمت سے گریز کریں۔