جیکب آباد، ڈاکٹر اور پولیس اہلکار کو ڈاکوؤں نے لوٹ لیا، بیوی کے قاتل شوہر کو سزائے موت
جیکب آباد (نامہ نگار) جیکب آباد میں مسلح افراد نے ڈاکٹر اور پولیس اے ایس آئی کو لوٹ لیا، کار موٹر سائیکل، فون اور نقدی چھین کر فرار تفصیلات کے مطابق جیکب آباد کے مولاداد تھانے کی حدودرواہی موڑ کے قریب سے مسلح افراد نے ڈاکٹر شفیق سے کارماڈل 2021،نقدی اور موبائل فون چھین لیا جبکہ پولیس اے ایس آئی شبیر برڑو سے بیگای پل کے قریب تین مسلح افراد نے موٹر سائیکل چھین لی اور فرار ہو گئے دوسری جانب دوداپور کے قریب میہرشاہ درگاہ کے سیپکو ٹرانسفارمر کے کوائل چور نکال کر لے گئے۔ علاوہ ازیں جیکب آبا دکی عدالت نے بیوی کو قتل کرنے کے جرم میں مجرم کو پھانسی کی سزا سنادی۔ تفصیلات کے مطابق جیکب آباد کے سیشن جج عبدالغفور کلہوڑو کی عدالت نے بیوی کو قتل کرنے کے جرم میں مجرم علی رضا ولد عبدالستار مغل کو پھانسی کی سزا سنادی ہے جبکہ مجرم کے والد عبدالستار مغل کو باعزت بری کیا گیا ہے یاد رہے کہ مجرم نے 18مارچ 2017میں ائیرپورٹ تھانے کی حدود فیضان مدینہ محلہ میں اپنی بیوی کا سیاہ کاری کے الزام میں قتل کیا تھا۔
