بیروت بندر گاہ دھماکہ کیس، لبنان کے سابق وزیراعظم حسن دیاب پر فرد جرم عائد

بیروت (مانیٹرنگ ڈیسک) لبنان کے دارالحکومت بیروت کی بندرگاہ پر 2020 میں ہوئے دھماکے کے معاملے پر اس وقت کے وزیراعظم حسن دیاب پر فردِ جرم عائد کردی گئی۔غیر ملکی میڈیا رپورٹس کے مطابق لبنان کے دارالحکومت بیروت کی بندرگاہ پر 2020 میں ہوئے دھماکے کے معاملے میں سابق وزیراعظم حسن دیاب، دوسابق وزرا، پراسیکیوٹر جنرل اور دیگر تین ججوں پر فرد جرم عائد کی گئی ہے جبکہ اعلی سکیورٹی حکام سمیت 15ا فراد کو شامل تفتیش کر لیا گیا ہے۔غیر ملکی میڈیا رپورٹس کے مطابق مرکزی تفتیش کار جج طارق بیطار نے ایک سال بعد گزشتہ روز تحقیقات کا دوبارہ آغازکیا تھا، دھماکے کے مقدمے میں سابق وزیراعظم حسن دیاب اور دیگردو وزرا پر خونریزی کی فرد جرم عائد کی گئی ہے تاہم پراسیکوٹر جنرل و دیگر 3 ججوں پر عائد الزامات کی وضاحت نہیں کی گئی ہے۔واضح رہے کہ 4اگست 2020 میں دھماکا بیروت کی بندرگاہ پر موجودسیکڑوں ٹن امونیم نائٹریٹ کی وجہ سے ہوا تھا جس میں 220افراد ہلاک اور 6500 سے زائد زخمی ہوگئے تھے۔

اپنا تبصرہ بھیجیں