استعماری و استحصالی قوتوں نے پشتون بلوچ سرزمین پر تخریب کاری مسلط کر رکھی ہے، این ڈی ایم

کوئٹہ :نیشنل ڈیموکریٹک موومنٹ کے صوبائی بیان میں پولیس وین پر حملے اور صوبے کے پولیس نوجوانوں کو جاں بحق و زخمی کرنے کو پشتون ،بلوچ اقوام و عوام پر مسلط تخریب کاری کا ایک اور بدترین واقعہ قرار دیتے ہوئے اس کی سخت مزمت کی گئی ہے اور ریاست و حکومت کو اس کا ذمہ دار قرار دیا ہے۔بیان میں کہا گیا ہے کہ ریاست اور اس کے آمرانہ قوتوں نے اپنی استعماری و استحصالی پالیسیوں کے تحت پشتون بلوچ سرزمین پر تخریب کاری ،بھتہ خوری اور بدامنی مسلط کرکے پشتونخوا وطن اور بلوچستان کو سیکورٹی زون قراردیا ہے اور اس پشتون بلبلوچ دشمن پالیسی کے تحت صوبے میں ائین و قانون اور سول اختیارات سلب کرکے عملا مارشلا مسلط کی ہے اور صوبے کے تمام اختیارات فوجی بیوروکریسی اور ایف سی کے کنٹرول میں ہے اور سالانہ 40 ارب زائد رقم عوامی خزانے سے سیکورٹی کے نام پر لے رہے ہیں اور اسی طرح کوئلے اور دیگر کاروبار پر اربوں روپے کی بھتہ خوری لی جارہی ہے جبکہ صوبے کی امن کو ان قوتوں نے دانستہ خراب کرکے صوبے کے عوام اور ہر شعبہ زندگی سے تعلق رکھنے والوں کا خون ناحق بہایا جارہا ہے۔بیان میں تمام سیاسی پارٹیوں پر زور دیاگیا ھے کہ وہ اس سلسلے میں واضع پالیسی اختیار کرکے امن کیلئے مشترکہ جدوجہد شروع کرے۔بیان میں شہید و زخمی پولیس نوجوانوں کے لواحقین کے ساتھ دلی ہمدردی و یکجہتی کا اظہار کرتے ہوئے ذات باری تعالی سے انہیں صبر کی توفیق عطاکرنے کی دعا کی ہے۔