اٹلی، تارکین وطن کی کشتی ڈوبنے سے دو افراد ہلاک، 20 لاپتا

تیونیسیہ: تیونس اور اٹلی کے درمیان سمندر میں تارکین وطن کی کشتی ڈوبنے سے 2 افراد ہلاک اور 20 لاپتا ہوگئے۔ غیر ملکی خبر رساں ادارے کے مطابق تیونس سے نکلنے والی کشتی میں تقریباً 40 تارکین وطن سوار تھے، جو تیونیسیہ اور اٹلی کے درمیان پانیوں میں ڈوب گئی ۔ جسکے نتیجے میں ہلک ہونے والے دو افراد کی لاشیں نکالی گئی ہیں ۔ اور نو کو زندہ بچا لیا گیا ہے ۔ جبکہ دیگر افراد کی تلاش جاری ہے ۔ میڈیا رپورٹ کے مطابق کشتی میں خواتین اور بچے بھی سوار تھے، ان تارکین وطن کا تعلق افریقی ممالک سے ہے۔ ریسکیو اہلکاروں نے کہا کہ انہوں نے زیادہ سے زیادہ لوگوں کو بچانے کی ہر ممکن کوشش کی لیکن وہ اس میں کامیاب نہیں ہوسکے۔دوسری جانب اطالوی خبر رساں ایجنسی کا کہنا ہے کہ زندہ بچ جانے والوں میں 9 خواتین بھی شامل ہیں۔