جاپانی وزیراعظم کی تقریر کے دوران سموک بم دھماکا،بھگدڑ مچ گئی

ٹوکیو(مانیٹرنگ ڈیسک)جاپان کے وزیراعظم فومیو کشیدا کی تقریر کے دوران سموک بم دھماکے سے بھگدڑ مچ گئی۔مقامی میڈیا کے مطابق وکایاما شہر میں جاپانی وزیر اعظم کو دھماکے کی آواز کے بعد بندرگاہ سے نکال لیا گیا اور وہ اس واقعے میں محفوظ رہے۔رپورٹس کے مطابق وزیراعظم کے نزدیک نامعلوم شخص نے پائپ کی طرح کی کوئی چیز پھینکی تھی جسے سموک بم کہا جارہا ہے۔غیرملکی میڈیا کے مطابق وزیراعظم پر سموک بم پھینکنے والے کو حراست میں لے لیا گیا ہے اور فوری طور پر تحقیقات کا آغاز کردیا گیا۔