ایران،دہری شہریت والے ایرانی باشندے کو تخریب کاری کے جرم میں پھانسی دیدی

تہران(مانیٹرنگ ڈیسک)ایران نے دہری شہریت والے ایرانی باشندے کو تخریب کاری کے جرم میں پھانسی دے دی۔ غیر ملکی خبررساں ایجنسی کے مطابق سزائے موت پانے والا ایرانی باشندہ حبیب چاب سوئیڈن کی شہریت بھی رکھتا تھا۔ ایرانی عدلیہ کے مطابق حبیب چاب کالعدم د تنظیم حرکت الاندال کا سربراہ تھا جس پر کئی حملوں میں ملوث ہونے کا الزام تھا۔ رپورٹس کے مطابق حبیب چاب کو ایرانی فورسز 2020 میں ترکی سے گرفتار کر کے تہران لے آئی تھیں۔ غیرملکی میڈیا کے مطابق ایرانی فورسز نے یہ نہیں بتایا تھا کہ حبیب چاب کو کیسے اور کہاں سے گرفتار کیا گیا۔ دوسری جانب سوئیڈن کے وزیر خارجہ نے چاب کی پھانسی پر مایوسی کا اظہار کرتے ہوئے کہا کہ ان کی حکومت نے ایران سے اس پر عمل نہ کرنے کی درخواست کی تھی۔