ایران کا جدید میزائل شکن مقامی ساختہ ہائپر سونک بیلسٹک ”فتاح“ کا کامیاب تجریہ
تہران (مانیٹرنگ ڈیسک) ایران نے دشمن کے جدید میزائل شکن نظام کو نشانہ بنانے کی صلاحیت کے حامل پہلے مقامی ساختہ ہائپرسونک بیلسٹک میزائل ’فتّاح‘ کی رونمائی کردی۔ 15 ہزار کلو میٹر فی گھنٹہ کی رفتار رکھنے والا بیلسٹک میزائل ’فتّاح‘ ہائپر سونک میزائل آواز کی رفتار سے پانچ گنا تیز اور پیچیدہ رفتار پر پرواز کرسکتے ہیں جس کی وجہ سے انہیں روکنا مشکل ہوجاتا ہے۔ ایرانی میڈیا کے مطابق میزائل کی رونمائی تقریب کے موقع پر ایرانی ایئر چیف امیر علی حاجی زادہ کا کہنا تھا کہ اس میزائل کو تباہ نہیں کیا جاسکتا کیونکہ یہ مختلف اونچائیوں پر کئی سمتوں میں بڑی تیزی سے سفر کرنے کی صلاحیت رکھتا ہے۔ رونمائی تقریب میں ایرانی صدر ابراہیم رئیسی سمیت پاسداران انقلاب کے سینئر کمانڈرز نے بھی شرکت کی۔ اب تک صرف امریکا، روس، چین اور شمالی کوریا ہی ہائپر سونک میزائل کا کامیاب تجربہ کرچکے ہیں۔
