ملتان ، گھر سے 3 خواتین کی کئی دن پرانی لاشیں برآمد

ملتان (صباح نیوز)ملتان کے علاقہ ممتاز آباد میں ایک گھر سے3 خواتین کی لاشیں برآمد کرلی گئیں۔پولیس کے مطابق شمشاد بی بی، اس کی بہن نسرین اور بیٹی سمیہ کی کئی دن پرانی لاشیں ملی ہیں جنہیں لاشوں کو پوسٹ مارٹم کے لئے ہسپتا ل منتقل کردیا گیا ۔ پولیس نے بتایاکہ واقعہ قتل ہے یا خودکشی، اس کی تحقیقات جاری ہیں۔پولیس کی جانب سے واقعہ کی تفصیل بتائی گئی کہ جس گھر سے خواتین کی لاشیں ملی ہیں اس گھرکو باہر سے تالا لگا ہوا تھاتاہم یہ لاشیں تین سے چار دن پرانی ہیں جن کے حوالے سے پوسٹ مارٹم کی رپورٹ آنے کے بعد ہی پتہ لگایا جاسکے گا کہ آیا انہوں نے خودکشی کی ہے یا انہیں قتل کیا گیا ۔