پاکستان نے بھارت کو شکست دیکر ایمرجنگ ایشیا کرکٹ کپ جیت لیا

کولمبو (مانیٹرنگ ڈیسک) پاکستان نے بھارت اے کو بڑے مارجن سے شکست دیکر ایمرجنگ ایشیا کرکٹ کپ جیت لیا۔ سری لنکا کے شہر کولمبو میں کھیلے گئے فائنل میں بھارت اے کے کپتان نے ٹاس جیت کر پاکستان کو پہلے بیٹنگ کی دعوت دی۔ پاکستان نے طیب طاہر کی شاندار سنچری اور صاحبزادہ فرحان اور صائم ایوب کی ففٹیز کی بدولت مقررہ 50 اوورز میں 352 رنز اسکور کیے۔ پاکستان کی جانب سے دیے گئے ہدف کے تعاقب میں بھارتی ٹیم کے اوپنرز نے اپنی ٹیم کو 64 رنز کا آغاز فراہم کیا تاہم پہلی وکٹ گرنے کے بعد بھارت کی وکٹیں گرنے کا سلسلہ جاری رہا۔ سوائے ابھیشیک شرما اور کپتان یش دھل کے علاوہ کوئی بھی بھارتی بیٹر پاکستانی بولرز کے سامنے نہ ٹک سکا، دونوں نے بالترتیب 61 اور 39 رنز اسکور کیے۔ پاکستان کی جانب سے دیے گئے ہدف کے تعاقب میں بھارت اے کی ٹیم 224 رنز بنا کر آو¿ٹ ہو گئی اور اس طرح پاکستان نے ایمرجنگ ایشیا کپ 128 رنز سے جیت لیا۔ پاکستان کی جانب سے صفیان مقیم نے 3 بھارتی کھلاڑیوں کو پویلین کی راہ دکھائی جبکہ محمد وسیم، ارشد اقبال اور مہران ممتاز نے دو دو کھلاڑیوں کو آو¿ٹ کیا۔ شاندار بیٹنگ کا مظاہرہ کرنے پر پاکستان کے طیب طاہر کو میچ کا بہترین کھلاڑی قرار دیا گیا۔