تربت ،ٹیچر عبدالرو¿ف کے قتل کیخلاف سول سوسائٹی کی خاموش ریلی

تربت(نمائندہ انتخاب) تربت سول سوسائٹی کے زیر اہتمام پرائیویٹ اسکول ٹیچر شہید عبدالر¶ف کے قتل کے خلاف اور انصاف فراہمی کے لیے بدھ کو صبح ساڑھے دس بجے تربت پریس کلب سے ایک خاموش ریلی نکالا گیا جس میں خواتین اور بچوں کے علاوہ بڑی تعداد میں شہریوں نے شرکت کی، ریلی میں انسانی حقوق کمیشن سے وابستہ کارکنوں سماجی کارکنوں کے علاوہ، مختلف سیاسی جماعتوں کی مقامی قیادت و کارکنان ، حق دو تحریک کے رہنما اور علمائ کرام بھی شریک تھے،ریلی کے شرکائ نے بازو پر سیاہ پٹیاں باندھ کر شہید عبدالر¶ف کے قتل کے خلاف بینر اور پلے کارڈز اٹھائے شہید فدا چوک تک مارچ کیا جہاں پہ ریلی کا اختتام ہوا،آخر میں تربت سول سوسائٹی کے ڈپٹی کنوینر جمیل عمر دشتی نے ریلی میں شریک تمام مرد و خواتین سیاسی و سماجی کارکنان اور علمائ کرام کاشکریہ ادا کیا، ریلی کے بعد میڈیا سے گفتگو کرتے ہوئے سماجی کارکنوں اور علمائ کرام نے بلاجواز اور ذاتی رنجش کی بنائ پر مذہب کی توہین کے نام پر لوگوں کی کردار اور انہیں الزام لگانے کی مذمت کی، انہوں نے کہاکہ مذہبی تعلیمات ہمیں آپس میں جڑنے اور محبت و انسانیت کی قدر کا درس دیتے ہیں لیکن یہاں بدقسمتی سے مذہب کی تقدیس پامال کرکے نبی کریم جو تاریخ عالم میں انسانیت کے سب سے بڑے غم گسار تھے ان کے نام مبارک کا استعمال کرکے لوگوں کی جان لیا جارہا ہے،انہوں نے یہ مطالبہ کیا کہ عبدالر¶ف کی شہادت میں اس مخصوص گروہ کو شامل تفتیش کیا جائے جنہوں نے خودساختہ جرگہ بٹھاکر اس قتل کے لیے راہ ہموار کی اس کے ساتھ اس قتل سے جڑے تمام کردار بھی تفتیش کے دائرے میں لائے جائیں۔