الیکشن سے نہیں بھاگ رہے، صدر کو انتخابات کی تاریخ دینے کا آئینی اختیار نہیں، فضل الرحمن

اسلام آباد (انتخاب نیوز) جمعیت علمائے اسلام کے سربراہ مولانا فضل الرحمن نے کہا ہے کہ سندھ میں گرینڈ ڈیمو کریٹک الائنس (جی ڈی اے)، متحدہ قومی موومنٹ (ایم کیو ایم) اور مسلم لیگ (ن) سے اتحاد ہوسکتا ہے۔ نجی ٹی وی کے پروگرام میں گفتگو کرتے ہوئے فضل الرحمن کا کہنا تھاکہ الیکشن سے نہیں بھاگ رہے، 90 دن میں الیکشن کے لیے تیار ہیں۔ انہوں نے کہا کہ صدر علوی کو الیکشن کی تاریخ دینے کا آئینی اختیار نہیں، اگر انہوں نے الیکشن کی تاریخ دی تو یہ بدنیتی ہوگی۔ پرویز خٹک اور محمود خان کو نا قابل اعتبار قرار دے کر مولانا فضل الرحمن نے ان کے ساتھ انتخابی اتحاد کا امکان مسترد کردیا اور کہاکہ سندھ میں جی ڈی اے، ایم کیوایم اور ن لیگ اتحاد ہوسکتا ہے، ان سے رابطے جاری ہیں، پیپلزپارٹی سے نہیں۔