پناہ گزین کیمپ پر اسرائیلی حملہ، 75سے زائد فلسطینی جاں بحق، متعدد زخمی

غزہ(مانیٹرنگ ڈیسک)مغربی رفح میں پناہ گزین کیمپ پر اسرائیلی فوج کی جانب سے بڑا حملہ کیا گیا، تفصیلات کے مطابق بمباری سے 75سے زائد فلسطینی جاں بحق جبکہ درجنوں زخمی ہوگئے جن میں اکثریت خواتین اور بچوں کی ہے۔ اسرائیل نے عالمی عدالت انصاف کا حکم ہوا میں اڑا دیا ، صیہونی فوج نے رفح کے پناہ گزین کیمپ میں بمباری کی جس سے یواین کیمپ میں آگ لگ گئی، آتشزدگی کے باعث بڑی تعداد میں شہری جھلس کر جاں بحق ہوگئے ، جھلسنے کے باعث کئی افراد کی حالت نازک ہے جبکہ جاں بحق افراد کی تعداد بڑھنے کا خدشہ ہے، اس حوالے سے ریڈ کراس نے کہا ہے کہ رفح میں واقع اس کے فیلڈ ہسپتال میں لانے والے مریضوں کی تعداد بڑھ رہی ہے جبکہ دیگر ہسپتال بھی بڑی تعداد میں مریضوں کو منتقل کیا جارہا ہے۔