چھوٹے اور درمیانے درجے کے کاروبار ملکی معیشت میں ریڑھ کی ہڈی کی حیثیت رکھتے ہیں، وزیراعظم

اسلام آباد ( آن لائن ) وزیراعظم میاں محمد شہبازشریف نے کہا ہے کہ چھوٹے اور درمیانے درجے کے کاروبارملکی معیشت میں ریڑھ کی ہڈی کی حیثیت رکھتے ہیں ،ایسے تمام ادارے جو ملکی معیشت کے لیے انتہائی اہم ہیں ان کے بورڈ ز کی تشکیل فوری طورپر کی جائے ۔ ان خیالات کااظہار وزیراعظم نے سمال اینڈ میڈیم اینٹرپرائزز ڈویلپمنٹ اتھارٹی (سمیڈا) سے متعلق اجلاس کی صدارت کرتے ہوئے کیا۔ اجلاس میں وزیراعظم نے سمیڈا بورڈ کے غیر فعال ہونے پر شدید برہمی کااظہار کرتے ہوئے ہدایت کی کہ سمیٹڈ کے حوالے سے اسٹیئرنگ کمیٹی تشکیل دینے کی ہدایت کے ساتھ بورڈ کی فوری طور پرتشکیل دینے کی بھی ہدایت جاری کردی ہیں وزیراعظم نے سمیڈا کے چیف ایگزیکٹو آفیسر کی فوری تعیناتی کےل یے بھی تمام ضروری اقدامات کرنے کی ہدایت کی ہے اسٹیئرنگ کمیٹی کی صدارت وزیراعظم خود کرینگے اسٹیئرنگ کمیٹی میں نجی شعبہ سے متعلقہ لوگوں کوبھی شامل کرنے کی ہدایت کی گئی ہے ۔ وزیراعظم نے کہا کہ پاکستانی صنعتوں کو گلوبل سپلائی چین کا حصہ بنانے کے حوالے سے بھرپور اقدامات اٹھانے کی ضرورت ہے ۔اجلاس میں وزیراعظم کو سمیٹڈا کے امور سے متعلق بریفنگ دیتے ہوئے بتایا گیاکہ پہلی مرتبہ سمیڈا کے لئے ڈویلپمنٹ فنڈ کا قیام عمل میں لایا گیا ہے 6 سال کی لئے 30 بلین روپے کا سمیڈا ڈویلپمنٹ فنڈ مختص کیا گیا ہے جس میں سے سال 2024-25 کے لئے 5 بلین روپے مہیا کیے جا چکے ہیں پاکستان میں اس وقت 5.2 ملین چھوٹے اور درمیانے درجے کے کاروبار موجود ہیں جن کا ملک کی جی ڈی پی میں حصہ 40 فیصد ہے ؛ ملک کی 31 فیصد برآمدات ایس ایم ایز پر منحصر ہیں۔ بریفنگ میں مزید بتایا گیا کہ نان ایگریکلچر ملازمتوں کے علاو¿ہ ایس ایم ای سیکٹر 72 فیصد ملازمتیں مہیا کر رہا ہے ایس ایم ای سیکٹر کے لئے اب تک 491 بلین روپے بینک کریڈٹ کی مد میں فراہم کئے جا چکے ہیں تاہم ایس ایم ای سیکٹر کے لئے بینک کریڈٹ کو 800 بلین روپے تک لے جانے کی ضرورت ہے ۔اجلاس میں نائب وزیراعظم و وزیر خارجہ اسحاق ڈار ، وفاقی وزیر اقتصادی امور احد خان چیمہ ، وفاقی وزیر صنعت و پیداوار رانا تنویر حسین ، وزیراعظم کے کوآرڈینیٹر رانا احسان افضل اور متعلقہ اعلیٰ سرکاری افسران نے شرکت کی۔