کوئٹہ، لوکل بسوں کے بعد گرین بس میں چوری کی ورداتوں میں اضافہ

کوئٹہ(یو این اے )کوئٹہ لوکل بسوں کے بعد کوئٹہ گرین بسوں میں بھی موبائل چوری کے واقعات میں تیزی دیکھنے میں آئی ہے۔ حالیہ دنوں میں مسافروں، خاص طور پر طالب علموں، کو نشانہ بناتے ہوئے جیب کتری کے واقعات میں اضافہ ہوا ہے۔ اب تک متعدد افراد کے موبائل فون چوری کیے جا چکے ہیں، اور یہ مسئلہ شہریوں کے لیے باعثِ تشویش بن چکا ہے شہریوں کا کہنا ہے کہ ایسے واقعات سے انہیں شدید نقصان کا سامنا کرنا پڑتا ہے، خاص طور پر طالب علم جو اپنی پڑھائی اور رابطے کے لیے موبائل پر انحصار کرتے ہیں۔ کوئٹہ کی انتظامیہ سے اپیل کی جا رہی ہے کہ وہ اس معاملے پر قابو پانے کے لیے فوری طور پر اقدامات کرے اور بسوں میں سیکیورٹی کو یقینی بنائے