24 نومبر کو احتجاج کی کال دینے والے کامیاب نہیں ہوں گے، نوازشریف

لند ن (مانیٹر نگ ڈیسک)پاکستان مسلم لیگ ن کے صدر اور سابق وزیراعظم نواز شریف کا کہنا ہے کہ 24 نومبر کو احتجاج اور دھرنے کی کال دینے والے کامیاب نہیں ہوں گے۔نواز شریف اور وزیر اعلیٰ پنجاب مریم نواز لندن سے وطن واپسی کیلئے روانہ ہوگئے۔سابق وزیراعظم نواز شریف 26 اکتوبر کو لندن پہنچے تھے، انہوں نے اس دوران امریکا اور جینیوا کا دورہ بھی کیا۔بانی پی ٹی آئی نے جنرل باجوہ اور فیض حمید سے مل کر ہمارے خلاف کیا کچھ نہیں کیا، نواز شریفگزشتہ روز نواز شریف نے لندن میں میڈیا سے بات چیت کرتے ہوئے کہا تھا کہ بانی پی ٹی آئی بتائیں کہ انہوں نے جنرل باجوہ اور جنر ل فیض حمید کے ساتھ مل کر ہمارے خلاف کیا کیا۔نواز شریف کا کہنا تھا کہ بانی پی ٹی آئی نے اپنے دور میں کیا کارنامہ انجام دیا کہ لوگ باہر نکلیں گے، کوئی منصوبہ دکھا دیں جس پر فخر کر سکیں۔اس سے قبل لندن میں گفتگو کرتے ہوئے مریم نواز کا کہنا تھا کہ میں 8 ماہ سے مسلسل کام کر رہی ہوں، مجھے پیراتھائئرائیڈ کی تکلیف ہے جس کا علاج صرف سوئٹزر لینڈ یا امریکا میں ممکن ہے۔ان کا کہنا تھا کہ میں اپنے چیک اپ کے لیے جینیوا گئی تھی، میں تصدیق کر سکتی ہوں کہ مجھے گلے کا کینسر نہیں ہے جیسا کہ رپورٹ کیا گیا ہے۔مریم نواز کا کہنا تھا کہ میں اپنے معاملے پر کوئی مظلومیت ظاہر نہیں کرنا چاہتی تھی مگر مجبور ہو کر اس کا ذکر کر رہی ہوں۔