24 نومبر کو ہم وہی کرینگے جو دہشتگردوں کیخلاف کرتے ہیں, عظمیٰ بخاری

وزیرِ اطلاعات پنجاب عظمیٰ بخاری نے تحریکِ انصاف کے 24 نومبر کے احتجاج سے متعلق ردِعمل کا اظہار کیا ہے۔عظمیٰ بخاری نے لاہور ہائی کورٹ کے باہر میڈیا سے گفتگو کرتے ہوئے کہا کہ 24 نومبر کو ہم وہی کریں گے جو دہشت گردوں کے خلاف کرتے ہیں۔انہوں نے اپنے کیس سے متعلق بتایا کہ ملزم نے دورانِ تفتیش ویڈیو پوسٹ کرنے کا اعتراف کیا، 3 اکاؤنٹس سے ویڈیو پوسٹ کی گئی، یہ پی ٹی آئی کے پروپیگنڈا سیل کے لوگ ہیں۔حکومتِ پنجاب نے کسی بھی یو اے ای کے فنڈ میں سرمایہ کاری نہیں کی، عظمیٰ بخاریعظمیٰ بخاری نے کہا کہ دعا ہے کہ اس کیس میں جلد سے جلد انصاف ہو، میرا مرکزی کیس آج فکس نہیں تھا۔صوبائی وزیر نے کہا کہ علی امین گنڈاپور جو ریلی اسلام آباد لائے اس پر 81 کروڑ روپے لگے، ایم پی ایز، ایم این ایز کو فساد برپا کرنے کے لیے 4، 4 لاکھ روپے دیے جا رہے ہیں۔انہوں نے یہ بھی کہا کہ ان کے پاس پلان اے، بی، سی ہے تو ریاست کے پاس پوری اے بی سی ہے۔