ریکودک مائننگ کمپنی کی معاونت سے انڈس اسپتال اور ہیلتھ نیٹ ورک کی علاقے میں صحت عامہ سے متعلق آگاہی مہم کا آغاز

کوئٹہ(اسٹاف رپورٹر)آر ڈی ایم سی نے انڈس ہسپتال کی اشتراک سے مقامی کمیونٹی کے لیے صحت عامہ کی آگاہی اور اسکریننگ مہم کا آغاز کردیا۔ریکودک مائننگ کمپنی (آر ڈی ایم سی) کی معاونت سے انڈس اسپتال اور ہیلتھ نیٹ ورک (آئی ایچ ایچ این) نے ہمئے گاو¿ں میں صحت عامہ سے متعلق آگاہی مہم کا آغاز کیا ہے۔ یہ گاوں ریکودک منصوبے کی قریب ترین کمیونٹی ہے۔ اس مشترکہ اقدام کا مقصد ٹی بی، ہیپاٹائٹس بی اور سی کے لیے مفت اسکریننگ فراہم کرنا اور ان بیماریوں سے متعلق آگاہی پیدا کرنا ہے جو کہ آر ڈی ایم سی کی جانب سے مقامی آبادی کو صحت کے بہتر سہولیات کی فراہمی کے عزم کا حصہ ہے۔اس مہم کا بنیادی مقصد کمیونٹی کو ان بیماریوں کے خطرات، علامات اور روک تھام کے طریقوں کے بارے میں آگاہ کرنا ہے۔ آئی ایچ ایچ این کی ٹیمیں، مقامی ہیلتھ ورکرز کے ساتھ مل کر آگاہی سیشن منعقد کر رہی ہیں جن میں ہیپاٹائٹس بی ویکسی نیشن کی اہمیت، غیر جراثیم کش طبی آلات کے خطرات اور غیر محفوظ خون کی منتقلی کے خطرات شامل ہیں۔اس کے علاوہ مہم میں نظامِ تنفس کی صحت، مناسب وینٹی لیشن اور ٹی بی کی علاج کے طریقوں کی پیروی پر زور دیا جا رہا ہے تاکہ اس بیماری کے پھیلاو¿ کو کم کیا جاسکے۔ ایک خاتون شرکاءنے مہم کے بارے میں اپنی رائے کا اظہار کرتے ہوئے کہا "ہم نے کبھی نہیں سوچا تھا کہ ہیپاٹائٹس یا ٹی بی سنگین مسائل ہیں۔ آج ہمیں یہ سمجھ آ گئی ہے کہ ہم اپنے اور اپنے خاندان کو کیسے محفوظ رکھ سکتے ہیں۔”یہ پروگرام جلد ہی تحصیل نوکنڈی اور چاغی کے دیگر دور دراز علاقوں تک پھیلا دیا جائے گا تاکہ دور دراز علاقوں کے کمیونٹیز کو بہتر صحت کی سہولیات تک رسائی حاصل ہوسکے۔اس اقدام کے تحت آئی ایچ ایچ این کی کمیونٹی انگیجمنٹ اور ایجوکیشن ٹیم (سی ای سی) نے کلی مینگل آباد کے ایک اسکول میں صحت سے متعلق آگاہی سیشن بھی منعقد کیا جس میں 200 سے زائد طلباءشریک ہوئے۔ اس سیشن میں بیماری کی روک تھام اور انفرادی صفائی کے موضوعات بشمول ہاتھ دھونے کے صحیح طریقے پر بات کی گئی۔ طلباءکو متحرک سرگرمیوں کے ذریعے حوصلہ دیا گیا کہ وہ اپنے خاندانوں کویہ معلومات فراہم کریں۔اسکریننگ کے دوران جس شخص میںمرض کی تشخیص ہوانہیں قریبی اسپتالوں میں علاج کے لیے بھیجا جائے گا تاکہ ان کو بروقت طبی دیکھ بھال فراہم کی جاسکے۔یہ مہم آر ڈی ایم سی کے صحت مند اور مضبوط کمیونٹیز کی تعمیر کے عزم کو اجاگر کرتی ہے۔ صحت سے متعلق آگاہی کا یہ اقدام چاغی اور گرد و نواح میں پائیدار ترقی کو مضبوط بنیاد فراہم کرسکتا ہے۔ بیرک کی پالیسی کے مطابق آر ڈی ایم سی مقامی کمیونٹیز کو دیرپا سماجی و اقتصادی فوائد فراہم کرنے کے لیے ذمہ دارانہ کان کنی کے ذریعے طویل المدتی ترقی کا عزم رکھتا ہے۔