گلیات کے جنگل میں لگی آگ بے قابو، تیز ہوائوں کے باعث آگ بجھانے میں مشکلات

گلیات(م ڈ)گلیات کے جنگل میں مختلف مقامات پر لگی آگ نے وسیع رقبے کو لپیٹ میں لے لیا ہے۔حکام کے مطابق سرد ہوائوں سے گلیات کے مختلف جنگل آگ کی لپیٹ میں آگئے، گلیات باڑہ گلی کے جنگل میں آگ بھڑک اٹھی، آگ نے جنگل کے وسیع رقبے کو اپنی لپیٹ میں لے لیا۔ریسکیو حکام کا کہنا ہے کہ تیز ہوائوں کے باعث آگ بجھانے میں شدید مشکلات کا سامنا ہے، آگ سے قیمتی درخت جل کر خاکستر ہوگئے، جبکہ جنگلی حیات بھی متاثر ہوگئی۔ذرائع کے مطابق محکمہ جنگلات گلیات کے جنگل میں آگ لگانے والوں کیخلاف کارروائی سے گریزاں ہے۔