حب اور مستونگ سے تین لاشیں برآمد

حب (آن لائن)حب شہر میں مین آر سی روڈ سیمتصل سیمنٹ ڈپو کے قریب سے ایک نعش ملی ایدھی ذرائع کے مطابق گڈانی اسٹاپ سیمنٹ ڈپو کے قریب سے ایک شخص کی لاش ملی جسے سول ہسپتال حب منتقل کردیا گیا پولیس کے مطابق متوفی کی شناخت 35 سالہ امیربخش کے نام سے ہوئی جسے ضابطے کی کارروائی کے بعد ایدھی کے حوالے کر دیا گیا دوسری جانب مستونگ کے علاقے میں 2 نامعلوم افراد کی نعشیں برآمد ہوئیں تفصیلات کے مطابق گزشتہ روز مستونگ لیویز ایریا کلی لاکھا کے مقام سے 2 نوجوانوں کی نعشیں ملیں جن کی عمریں 15 سے 20 سال بتائی جاتی ہے نعشیں ہسپتال منتقل کردی گئی مزید کارروائی مقامی انتظامیہ کررہی ہے۔