خواتین کے نام پر سیاست کی جارہی ہے، مستونگ دھرنا سیاسی ساکھ کو بچانے کی ناکام کوشش ہے، ندیم الرحمن

کوئٹہ (این این آئی) جھالاوان عوامی پینل کے مرکزی رہنماءندیم الرحمن بلوچ نے دھرنے کے اسٹیج کو قبائلی رہنماؤں اور خواتین کو ڈھال بناکر اپنی گرتی ہوئی اپنی سیاسی ساکھ کو بچانے کی ناکام کوشش کی جارہی ہے ہم ایسے عناصر کو عوام کے سامنے بے نقاب کرنے کے لئے اپنا کردار ادا کرتے رہیں گے ان خیالات کا اظہار انہوں نے جمعرات کو اپنے دیگر ساتھیوں کے ہمراہ کوئٹہ پریس کلب میں پریس کانفرنس کے وران کیا انہوں نے کہا کہ جب بھی خواتین کے سروں سے چادر کھینچنے ان کی بے توقیری کرنے کی کوشش کی گئی یا ایسے واقعات ہوئے ایسے واقعات کی ہم مذمت کرتے ہیں کیونکہ بلوچستان میں خواتین کو عزت و احترام کی نگاہ سے دیکھا جاتا ہے اور انہیں کبھی بھی فرنٹ لائن پر ڈھال کے طورپر استعمال نہیں کیا جاتا جو کررہے ہیں اس کی ہم مذمت کرتے ہیں کیونکہ بلوچستان میں بسنے والی تمام قومیتیں قابل احترام ہیں جن کے مرد گھروں میں بیٹھ کر خواتین کو باہر نکال کر اپنی ڈھال بناکر اپنے ذاتی مقاصد کا حصول چاہتے ہیں اس کی ہم مذمت کرتے ہیں جس طرح لانگ مارچ کی کال دیکر وڈھ سے قلات اور مستونگ تک پہنچنے پر اس کی کیا صورتحال تھی اور اب دھرنا دیکر خواتین کو ڈھال بناکر اپنی ساکھ بچانے کی کوشش کی جارہی ہے جن سیاسی جماعتوں نے لانگ مارچ کی حمایت کی تھی وہ ان کے ماضی سے بھی بخوبی واقف ہیں خواتین کے نام پر سیاست کی جارہی ہے ہمارے معاشرے میں شرمناک اور خوفناک بات ہے انہوں نے کہا کہ گرتی ہوئی سیاسی ساکھ کو بچانے کے لئے لانگ مارچ کے دھرنے کے سٹیج کو اپنے سیاسی مخالفین کیلئے استعمال کرکے ان کی کردار کشی کی جارہی ہے جس کی ہم ہرگز اجازت نہیں دیتے انہوں نے کہا کہ شہید نواب اکبر بگٹی نے لانگ مارچ سربراہ اور ان کے بزرگوں کے بارے میں جو بیانات دیئے اور القابات کہے وہ تاریخ کا حصہ ہے انہوں نے کہا کہ یہ تمام کوششیں بیرونی طاقتوں کے آلہ کاربننے کے بعد کی جارہی ہے کسی بھی طرح ہم اپنے رہنماؤں کی کردار کشی کی اجازت نہیں دیں گے ان کے بھیانک چہرے عوام کے سامنے عیاں کرتے رہیں گے لانگ مارچ اور دھرنے کے نام پر ماضی کی روایات کو دوبارہ عملی جامہ پہنانے کی کوشش کی جارہی ہے اور اپنی ذاتی خواہشات کی تکمیل کی جارہی ہے جن لوگوں کے ذریعے علاقے کا امن تہہ و بالا کیا جارہا ہے وہ کالعدم تنظیموں سے وابستہ ہیں اور ان کی پشت پناہی کی جاتی ہے انہوں نے کہا کہ بلوچستان کے حالات کو خراب کرنے کی کوشش کی جارہی ہے اور دھرنے کے اسٹیج پر ایسے لوگوںکو بھلا کر سیاسی رہنماؤں کی کردار کشی کی مذمت کرتے ہیں۔