بلوچستان میں غیرت کے نام پر خاتون کا قتل، مذمتی قرارداد پنجاب اسمبلی میں جمع

لاہور (آئی این پی) بلوچستان میں غیرت کے نام پر خاتون کے قتل پر مذمتی قرارداد پنجاب اسمبلی میں جمع کرادی گئی۔مسلم لیگ ن کی رکن حنا پرویز بٹ نے مذمتی قرارداد پنجاب اسمبلی میں جمع کرادی جس میں کہا ہے کہ یہ ایوان غیرت کےنام پر نہتی خاتون کے قتل کی شدید مذمت کرتا ہے۔ قرار داد کے متن میں کہنا تھا کہ یہ ایوان جرگے کی آڑ میں قتل کئے گئے افراد کے اہلخانہ سے اظہار ہمدردی کرتا ہے اور حکومت بلوچستان سے مطالبہ کرتا ہے ملزمان کو فوری گرفتار کیا جائے۔قرارداد کے مطابق یہ ایوان ایسے واقعات کو پاکستان کی عالمی ساکھ کے لیے نقصان دہ سمجھتا ہے اور مطالبہ کرتا ہے غیرت کے نام پر قتل کیخلاف مثر قانون سازی کی جائے۔