گزشتہ پندرہ برس سے یہ بات دہرا رہا رہوں ڈیرہ بگٹی کے شازیہ خالد کیس میں کیپٹن حماد کا کوئی کردار نہیں تھا، سرفراز بگٹی
ویب ڈیسک : وزیراعلی بلوچستان سرفراز بگٹی نے ایکس پر ایک جاری بیان میں کہا ہے کہ گزشتہ پندرہ برس سے میں یہ بات دہرا رہا تھا کہ ڈیرہ بگٹی کے شازیہ خالد کیس میں کیپٹن حماد کا کوئی کردار نہیں تھا، مگر حقیقت کو مسلسل مسخ کیا گیا آج ایک ایسے عینی گواہ کے سامنے آنے سے، جو اس واقعے کا براہِ راست حصہ تھا، وہ سچ بالآخر سب کے سامنے آ گیا ہے جس پر میں برسوں سے قائم تھا۔
انہوں مزید کہا ہے کہ میں محترم محسن بیگ صاحب کا تہہ دل سے شکر گزار ہوں جنہوں نے دیانت کے ساتھ قوم کے سامنے اصل حقائق رکھ کر تاریخ کو درست کیا بلوچستان کی کہانی ہمیشہ یکطرفہ بیانیے کے ذریعے پیش کی جاتی رہی ہے، جس کا میں ابتدا سے ناقد رہا ہوں افسوس کہ آج بھی کچھ اینکرز کیپٹن حماد کو ہی قصوروار قرار دیتے ہیں، اور دیتے رہیں گے، ان کا مقصد شاید مقبولیت ہو، مگر ہرگز حقائق پر مبنی رپورٹنگ نہیں
