کم عمری کی شادی سے متعلق بل آئین اور سنت کیخلاف ہے، اس کے ذریعے والدین کو بلیک میل کیا جائے گا، غفور حیدری

اسلام آباد (ویب ڈیسک) جمعیت علمائے اسلام کے سیکرٹری جنرل مولانا عبدالغفور حیدری نے کم عمری کی شادی پر ردعمل دیتے ہوئے کہا ہے کہ بل سے والدین کو بلیک میل کیا جائے گا۔ ان کا کہنا تھا کہ آئین میں بھی کہا گیا ہے کہ قرآن و سنت کے خلاف کوئی قانون نہیں بنے گا، حکومت کا شادی سے متعلق بل پاس کرنا آئین اور سنت کے خلاف ہے۔ ان کا کہنا تھا کہ قانون کے پاس ہونے کے بعد بچوں کو سمجھانے کیلئے ڈانٹ ڈپٹ قابل جرم ہوگا۔