تقسیم قبول نہیں،مکران وگوادر بلوچستان کے اٹوٹ انگ ہیں، ڈاکٹرمالک بلوچ

تربت:نیشنل پارٹی کے مرکزی صدر اور سابق وزیر اعلی بلوچستان ڈاکٹر عبدالمالک بلوچ نے تحصیل تمپ،مند اور جوسک کے رہنماوں سے خطاب کرتے ہوئے کہا کہ بلوچستان کی تقسیم کسی صورت قبول نہیں، مکران و گوادر بلوچستان کے اٹوٹ انگ ہیں ساوتھ بلوچستان کی باتیں منافقانہ سوچ کی پیداوار ہیں انھوں نے کھاکہ بلوچستان کے بارڈر پر ہونے والے کاروباری سرگرمیوں کو بند کرنے کی کوششیں کی جارہی ہیں عبدوئی، جالگی اور ردیگ کو عملا بند کردیا گیا ہے ایف سی کی چیک پوسٹوں پر ڈرائیورز کی تذلیل کی جاتی ہے ایک ایک ہفتہ گاڑیوں کو روک کر ڈرائیوز کی تنگ کیا جاتا ہے انھوں نے کھاکہ بارڈر پر آباد لوگ ریاستی اداروں کی بے جامداخلت کے پیش نظر مشکلات و مسائل کا شکار ہیں ڈاکٹر عبدالمالک بلوچ نے کہا کہ نیشنل پارٹی ایک قومی پارٹی ہے جو بلوچستان کے سیاسی معاشی اور قومی حقوق کے حصول کی جدوجہد کررہا ہے انھوں نے کھاکہ حکومت نے عوام سے جو وعدے کیے تھے وہ سب جھوٹ نکلے بیروزگاری اور مہنگائی کے حالیہ توفان نے عوام کا جینا حرام کردیا ہے موجودہ صوبائی و وفاقی حکومتیں ہر محاذ پر ناکام ہوچکی ہیں اب ان کے جانے کا وقت آگیا ہے پاکستان ڈیموکریٹک موومنٹ کی تحریک سے حکومتیں بوکھلاہٹ کا شکار ہوچکے ہیں تحریک نے اپنے ابتدائی مراحل میں یہ ثابت کر دیا ہے کہ عوام موجودہ حکمرانوں سے بے زار ہوچکے ہیں انھوں نے کارکنوں پر زور دیا کہ وہ آنے والے وقت کے لیے اپنے اپ کو تیار رکھیں اور پارٹی کو فعال و منضم کریں۔ اجلاس سے اجلاس سے جان محمد بلیدی، سینٹر میر محمد اکرم، محمدجان دشتی, محمد بخش، ڈاکٹر برکت بلوچ، واجہ ابوالحسن، سیٹھ اعجاز احمد جوسکی اور دیگر ساتھیوں نے بھی خطاب کیا۔