شام کے شہردیرالزور میں بس پر حملہ

دمشق :شام کے مشرقی صوبہ دیرالزور میں ایک مرکزی شاہراہ پر بس پر حملے میں 28 افراد ہلاک ہوگئے۔شام کے سرکاری میڈیا کے مطابق علاقے کے مکینوں اور باغیوں کا کہنا تھاکہ عراق کی سرحد کے نزدیک واقع شاہراہ پرایک فوجی گاڑی پر حملہ کیا گیا ہے۔تاہم اس واقعے کے بارے میں مزید تفصیل سامنے نہیں آئی ہے جس علاقے میں بس پر حملہ کیا گیا ہے، یہ شامی فوج اور ایران نوازملیشیاؤں کے زیر قبضہ ہے۔اس کے نزدیک واقع قدیم شہر پلمائرا میں شامی فوج کا اڈا ہے۔علاقے سے تعلق رکھنے والے ایک منحرف سینئر فوجی افسرنے کہا کہ حملے کا نشانہ بننے والی گاڑی میں چھٹیوں گزار کر واپس آنے والے فوجی اور حکومت نواز ملیشیا کے اہلکار سوار تھے۔ایک اورذریعے کا کہنا تھا کہ حملے میں کم سے کم تیس شامی فوجی ہلاک ہوئے۔ان میں زیادہ تر کا تعلق شامی فوج کی ایلیٹ فورتھ بریگیڈ سے تھا۔اس علاقے میں 2017 میں داعش کے خاتمے کے بعد سے شامی فوج تعینات ہے۔دیرالزور کے مکینوں اور انٹیلی جنس ذرائع کا کہنا ہے کہ حالیہ مہینوں کے دوران میں اس صوبہ میں شامی فوج پر داعش کے روپوش جنگجوں کے حملے میں اضافہ ہوگیا ہے۔داعش کے یہ جنگجو اسی صحرائی علاقے میں غاروں میں روپوش ہیں۔
Final-31-02