تربت، خیر آباد میں مسلح افراد کی فائرنگ سے نوجوان قتل

تربت (بیورو رپورٹ) تربت میں قتل کا ایک اور واقعہ۔ خیر آباد میں فائرنگ سے ایک شخص جاں بحق۔ ذرائع کے مطابق خیرآباد کے علاقے میں نامعلوم مسلح موٹر سائیکل سوار ملزمان نے فائرنگ کر کے محمد نعیم ولد محمد یعقوب سکنہ خیرآباد کو قتل کردیا۔ فائرنگ کے بعد ملزمان موقع سے فرار ہونے میں کامیاب ہوگئے۔ واضح رہے کہ اتوار کے روز تربت میں فائرنگ سے قتل کا یہ دوسرا واقعہ ہے۔ اس سے قبل آبسر ریسرچ فارم کے علاقے میں رحمدل نامی شخص بھی نامعلوم افراد کی فائرنگ کے نتیجے میں جاں بحق ہوچکا ہے۔