وینزویلا پر امریکی حملے کیخلاف واشنگٹن، نیویارک، پیرس، ایتھنز سمیت دنیا کے کئی ممالک میں مظاہرے، ٹرمپ کی گرفتاری کا مطالبہ

کراچی (ویب ڈیسک) وینزویلا پر حملے کیخلاف واشنگٹن، نیویارک، پیرس، ایتھنز سمیت دنیا کے کئی ممالک میں مظاہرے، ٹرمپ کی گرفتاری کا مطالبہ۔ وینزویلا میں امریکی فوجی کارروائی اور صدر ڈونلڈ ٹرمپ کے وینزویلا کو کنٹرول میں رکھنے کے بیان پر واشنگٹن میں وائٹ ہاﺅس کے باہر مظاہرہ کیا گیا۔ وائٹ ہاﺅس کے باہر مظاہرین بڑی تعداد میں جمع ہوئے اور نعرے لگانے کے ساتھ مظاہرین نے وینزویلا کے خلاف جنگ نہیں کے بینر بھی لہرائے۔ ادھر نیو یارک شہر کے ٹائمز اسکوائر میں مظاہرین نے ریلی نکالی اور صدر ڈونلڈ ٹرمپ کی گرفتاری کا مطالبہ کیا۔ اس کے علاوہ پیرس میں بائیں بازو کے مظاہرین نے وینزویلا پر امریکی حملوں کی مذمت کی اور وینزویلا کے جھنڈے لہرائے۔ وینزویلا کے صدر مادورو کی گرفتاری کے خلاف یونان کے دار الحکومت ایتھنز میں ہزاروں افراد نے مارچ کیا۔ روم میں اٹلی کے شہریوں کا وینزویلا میں امریکی آپریشن کے خلاف احتجاج اور ارجنٹینا اور کولمبیا میں بھی امریکی حملے کے خلاف مظاہرے کیے گئے۔