پاکستان نے ٹی 20 سیریر ز جیت لی

سینچورین (انتخاب نیوز) چوتھے اور آخری ٹی ٹوئنٹی میچ میں پاکستان نے جنوبی افریقا کو 3 وکٹوں سے شکست دیکر سیریز اپنے نام کرلی۔جنوبی افریقا کی جانب سے 145 رنز کا ہدف پاکستان ٹیم نے مقررہ 20 ویں اوورز میں 7 وکٹوں کے نقصان پر حاصل کیا اور یوں سیریز بھی 1-3 سے اپنے نام کی۔پروٹیز 144 رنز بناکر ڈھیر ہوئے پاکستان نے جنوبی افریقا کے خلاف ٹاس جیت کر فیلڈنگ کا فیصلہ کیا۔جنوبی افریقا کی ٹیم پہلے کھیلتے ہوئے 19.3 اوورز میں 144 رنز بنا کر آل آؤٹ حسن علی اور فہیم اشرف نے 3،3 وکٹیں حاصل کیں۔کے تعقاب میں گرین شرٹس کا ا?غاز مایوس کن رہا اور محمد رضوان بغیر کوئی رن بنائے آؤٹ ہوئے۔ اس کے بعد فخر زمان اور بابر اعظم نے ذمہ دارانہ بیٹنگ کی اور فخر زمان نے نصف سنچری بنائی۔ تاہم 92 کے مجموعی اسکور پر فخر زمان 60 رنز بناکر پویلین لوٹے اور بابر اعظم بھی 24 رنز بناکر آؤٹ ہوئے۔بابر اعظم کے آؤٹ ہوتے ہی کھلاڑیوں کی لائن لگ گئی اور حیدر علی، محمد حفیظ، آصف علی اور فہیم اشرف بالترتیب 3، 10، 5 اور 7 رنز بناکر آؤٹ ہوگئے۔اس موقع پر محمد نواز نے ذمہ دارانہ کھیل پیش کیا اور آخری اوور میں چھکا لگا کر گرین شرٹس کو فتح دلائی اور یوں پاکستان نے 3 وکٹوں سے میچ جیت لیا۔اس کامیابی کے ساتھ ہی پاکستان نے 4 ٹی ٹوئنٹی میچز کی سیریز 1-3 سے اپنے نام کرلی۔ پروٹیز کی جانب سے ولیمز اور مگالا نے 2، 2 وکٹیں حاصل کیں۔ فہیم اشرف کو مین آف دی میچ قرار دیا گیا جبکہ کپتان بابر اعظم پلیئر آف دی سیریز قرار پائے۔