بلاول بھٹو زر داری کی سید مراد علی شاہ سندھ کے تمام اضلاع کا دورہ کی ہدایت

بلاول بھٹو زر داری کی سید مراد علی شاہ سندھ کے تمام اضلاع کا دورہ کی ہدایت
اسلام آباد:چیئرمین پاکستان پیپلز پارٹی بلاول بھٹو زرداری نے وزیراعلیٰ سندھ سید مراد علی شاہ کو ہدایت کی ہے کہ وہ سندھ کے تمام اضلاع کا دورہ کریں، سندھ میں مستحق افراد کو ان کے گھروں کی دہلیز پر امداد پہنچانے کا عمل قابل تعریف ہے، سماجی فاصلے کے اصولوں کو برقرار رکھتے ہوئے امداد ایسے کی جائے کہ مستحقین کی عزت نفس ااور زندگیاں دونوں محفوظ رہیں۔ چیئرمین بلاول بھٹو زرداری جو اس وقت اسلام آباد میں موجود ہیں نے منگل کے روز وزیراعلیٰ سندھ ویڈیو لنک کے ذریعے دورہ لاڑکانہ کے بارے میں تفصیلی بریفنگ دی۔ اس موقع پر انتظامیہ کے اعلیٰ افسران بھی وزیر اعلیٰ سندھ کے ساتھ تھے۔ وزیر اعلیٰ سندھ نے پارٹی چیئرمین کو لاڑکانہ میں کورونا وائرس سے بچاؤ کے حوالے سے اقدامات کے متعلق آگاہ کرتے ہوئے کہا کہ اآئندہ ہفتے تک لاڑکانہ میں کورونا ٹیسٹ لیبارٹری کا م شروع کر دیگی، اس وقت تک لاڑکانہ میں 13500 مستحقین کو راشن بیگ مہیا کئے گئے ہیں جبکہ 3313 خاندانوں میں فی خاندان 6000روپے زکواۃ فنڈ سے تقسیم کئے گئے ہیں۔ چیئرمین پیپلزپارٹی کو بریفنگ دیتے ہوئے وزیراعلیٰ سندھ نے بتایا کہ حکومت سندھ نے مختلف ممالک سے آنے والوں کو خود تلاش کیا۔ لاڑکانہ میں شہید محترمہ بینظیر بھٹو یونیورسٹی آریجا کیمپس، کوئز بوائے ہاسٹل، مدنی تبلیغی سنٹر، بی بی آصفہ ڈینٹل کالج میں بھی قرنطینہ کیمپ قائم کئے گئے ہیں۔ بلاول بھٹو زرداری کو بریفنگ دیتے ہوئے کہا کہ لاڑکانہ میں 663 افراد کا کورونا ٹیسٹ کیا گیا جن میں 63افراد کی مثبت رپورٹ آئی۔ چیئرمین پیپلزپارٹی نے وزیراعلیٰ سندھ سے گفتگو کرتے ہوئے کہا کہ عوام کی جان و مال اور صحت کی ذمے داری وفاقی حکومت کی ہے۔ وفاق پر لازم ہے کہ وہ صوبوں کو صحت کے حوالے سے فوری طور پر فنڈز فراہم کرے۔ اس وقت صوبوں کو وفاق کی جانب سے کوئی بھی اضافی رقم نہیں ملی۔ چیئرمین پیپلزپارٹی نے کہا کہ وفاقی حکومت کی طرف سے BISP کی امداد کی تقسیم میں غلط حکمت عملی کی وجہ سے کرونا وائرس کے پھیلا? کا مزید خطرہ پیدا ہو چکا ہے۔ چیئرمین پیپلزپارٹی نے کہا کہ معیشت دوبارہ ٹھیک ہو سکتی ہے مگر زندگیاں دوبارہ نہیں لوٹائی جا سکتیں۔ اس لئے سب سے اہم معاملہ انسانی زندگیاں بچانے کا ہے۔