ڈاکٹر ثانیہ نشتر کا پاکستان میں ادرک کی پہلی فصل کی کاشت کا افتتاح

چکوال:وزیر اعظم کی معاون خصوصی سینیٹر ڈاکٹر ثانیہ نشترچکوال کے علاقے بلکسر میں ادرک کی پہلی کاشت کا افتتاح کرنے کے لیے جنجر ہارویسٹ ورکشاپ میں مہمان خصوصی تھیں۔ فصل کی کٹائی کی تقریب کا اہتمام ایگریونکس فارمز نے کیا تھا۔ یہ پاکستان میں ادرک کی پہلی فصل تھی۔ یہ فصل گیارہ ماہ میں اگائی جاتی تھی۔ پاکستانی کھانوں کا لازمی جزو ہونے کی وجہ سے ادرک کی مانگ بہت زیادہ ہے لیکن بدقسمتی سے یہاں اس کی کاشت نہیں ہوتی اور تمام فصل ملکی ضروریات کو پورا کرنے کے لیے درآمد کی جاتی ہے۔ اس تقریب میں شرکاء نے ماہرین سے ادرک کی پیداوار،انتظام اور اس فصل کی صحیح طریقے سے کٹائی کے بارے میں معلومات حاصل کیں۔اس موقع پر بات کرتے ہوئے ڈاکٹر ثانیہ نے کہا، "ادرک ایک بڑی فصل کے طور پر ابھر سکتی ہے اور کسان برادری کے لیے گیم چینجر ثابت ہو سکتی ہے۔ پاکستان میں غربت کے خاتمے سے زراعت کا گہرا تعلق ہے۔ حکومت، پرائیویٹ سیکٹر، تحقیقی ادارے، اختراع کار اور کسان مل کر کام کر سکتے ہیں تاکہ ہم آہنگی پیدا کی جا سکے اور ایگری ویلیو چینز کو تیار کیا جا سکے۔ اس سے غربت کے خاتمے، ذریعہ معاش کی تخلیق، اقتصادی ترقی اور غیر ملکی تجارت کو فروغ دینے پر زیادہ اثر پڑے گا۔اس موقع پر ڈاکٹر غلام محمد علی چیئرمین پاکستان ایگریکلچرل ریسرچ کونسل(پی اے ار سی)محمد نجیب اللہ ڈائریکٹر ویجیٹیبل ریسرچ انسٹی ٹیوٹ فیصل آباد اور دیگر ماہرین بھی موجود تھے۔شرکاء کو معلومات فراہم کی گئیں کہ ملک میں ادرک کو کامیابی سے کیسے اگایا جا سکتا ہے۔ ماہرین نے مقامی طور پر ادرک اگانے کے زرعی فوائد کے بارے میں تحقیق پر مبنی معلومات پیش کیں۔ معلومات کے اشتراک کے بعد، تمام شرکاء باقاعدہ افتتاح کے لیے فلیڈ میں چلے گئے۔ چیئرمین پی اے سی نے ڈاکٹر ثانیہ کو ادرک کی کاشت کے منصوبے کی کامیابی اور پاکستان کے کاشتکاری کے شعبے کو فروغ دینے کی صلاحیت کے بارے میں بتایا۔ انہوں نے کہا کہ ادرک کی اس قسم کو کامیابی سے اگایا گیا ہے اور اس کا فیلڈ ٹیسٹ کیا گیا ہے اور اس علاقے میں تقریباً 8 سے 10 ٹن فی ایکڑ تک ادراک کی پیداوار حاصل کی جا سکتی ہے۔ دیگر ماہرین نے اس بات کا اشتراک کیا کہ پاکستان ایک زرعی معیشت کا میدان ہے جس طرح اسے ترقی کرنا چاہئے لیکن اب اس نے خود کفالت کی طرف اپنا سفر شروع کر دیا ہے۔ ڈرپ اریگیشن، اسپرنکلر اور شیڈنگ فیبرک کی مدد سے یہ ادرک کاشت کرنے کا پہلا منصوبہ تھا جو تجارتی طور پر کامیاب ہوا۔