ہیلی کاپٹر حادثے میں سوشل میڈیا پر منفی مہم سے لواحقین کی دل آزاری ہوئی، آئی ایس پی آر

اسلام آباد (انتخاب نیوز) افواج پاکستان کی جانب سے جاری بیان میں کہا گیا ہے کہ لسبیلہ ہیلی کاپٹر کریش کے بعد سوشل میڈیا پر منفی مہم کے باعث ہیلی کاپٹر حادثے میں جاں بحق ہونے والوں کے لواحقین کی دل آزاری ہوئی ہے۔ آئی ایس پی آر کے مطابق جاں بحق ہونے والوں کی فیملیز اور افواج پاکستان کے رینک اینڈ فائل میں شدید غم وغصہ اور اضطراب ہے۔ اس مشکل اور تکلیف دہ وقت میں پوری قوم افواجِ پاکستان کے ساتھ کھڑی تھی۔ افواج پاکستان کا کہنا ہے کہ کچھ بے حس حلقوں کی جانب سے سوشل میڈیا پر تکلیف دہ اور توہین آمیز مہم جوئی کی گئی۔ یہ بے حس رویے ناقابل قبول اور شدید قابل مذمت ہے۔