شہباز گل گرفتار، بغاوت کا مقدمہ درج کرلیا، اسلام آباد پولیس

اسلام آباد (انتخاب نیوز) پی ٹی آئی کے سینئر رہنما شہباز گل کو گرفتار کر لیا گیا۔ اسلام آباد پولیس کا کہنا ہے کہ شہباز گل پر اداروں کیخلاف بیان بازی اور عوام کو اداروں کیخلاف اکسانے پر بغاوت کا مقدمہ درج کیا گیا ہے۔ پولیس کا کہنا ہے کہ شہبازگل کیخلاف مقدمے میں اداروں اور ان کے سربراہوں کیخلاف اکسانے سمیت دیگر دفعات شامل کی گئی ہیں۔ دوسری پی ٹی آئی رہنما مراد سعید نے بتایا کہ شہباز گل کی گاڑی کے شیشے بھی توڑے گئے ہیں اور ڈرائیور پر تشدد بھی کیا گیا۔ فواد چوہدری نے اس حوالے سے بتایا کہ شہباز گل کو بنی گالہ چوک سے بغیر نمبر پلیٹ گاڑیوں میں آئے لوگوں نے اغوا کیا۔