حکمران کرونا وائرس سے نمٹنے کیلئے بھیک کے آس پر بیٹھے ہیں،مولانا واسع

کوئٹہ:جمعیت علماء اسلام بلوچستان کے صوبائی امیر مولانا عبد الواسع نے کہا ہے کہ نجی اداروں کو ہاتھ پاؤں باندھ کر کھلے آسمان تلے چھوڑ کر ظلم کی انتہاء کردی گئی کرونا وائرس کے پراسس کو سنجیدہ نہیں لیا گیا کرونا وائرس سے نمٹنے کیلئے بھیک پر آس کئیے بیٹھے ہیں انہوں نے کہا ہے کہ حکومت کی غریب دشمن پالیسیوں اور اقدامات نے نجی اداروں کے مالکان اور ملازمین کو زندہ درگور کردیا ہمارے تمام مسائل اور مشکلات کا حل قر آن وسنت کے عادلانہ نظام کے نفاذ میں ہے اس کے قیام کی جدوجہد میں حصہ ہر مسلمان کا فرض ہے 1کروڑ نوکریاں دینے اور50لاکھ گھر بنا کر دینے کے دعویدار حکمرانو ں نے لاکھوں لوگوں کو بے روزگار کردیا اور اْن کے سروں سے چھت چھین لی انہوں نے کہا ہر اور عوامی مسائل حل کرنے کیلئے جدوجہد کررہے ہیں۔انہوں نے کہا کہ مہنگائی نے لوگوں کو خود کشی پر مجبور کردیا۔72سالوں سے ملک پر استحصالی طبقہ مسلط ہے 70فیصد غربت سے نیچے زندگی گزار رہے ہیں انہوں نے مزید کہا کہ ملک میں اسلامی نظام کے نفاذ میں مزدور اپنا کردار ادا کریں۔ جمعیت علماء اسلام واحد جماعت ہے جو کرپشن، لوٹ مار سے پاک ہے اْس کا ساتھ دیں انہوں نیکہاکہ جمعیت مزدوروں اور پسے ہوئے طبقہ کی نمائندہ جماعت ہے جمعیت علماء اسلام مظلوم طبقہ کی آواز ہے مزدور کیلئے ہر فورم پر ا?واز اْٹھا رہی ہے انہوں نے کہا کہ استحصالی طبقہ سے نجات حاصل کئے بغیر ملک ترقی کرے گا نہ مزدوروں کے مسائل حل ہوں گے۔ انہوں نے کہا ہے کہ نااہل حکومت کی ناکام معاشی پالیسیوں نے ملک کو تباہی کے دہانے پر لا کھڑا کیا ہے ہوش ربا مہنگائی کے سبب عوام نان شبینہ کو محتاج ہو کر رہ گئے ہیں بیرونی قرضوں کے سبب روز مرہ کی ہر چیز میں کئی سو فیصد اضافہ ہو چکا ہے حکومت کے عوام کو دکھائے گئے خواب محض دیوانے کی بڑ اور نقش برآب ثابت ہوئے کروڑوں نوکریاں اور پچاس لاکھ گھر کے دعوے کرنے والوں نے بے روزگاری میں مزید اضافہ کیا اور عوام کو بے گھر کر دیا ہے حکومت کا سو روزہ پلان ریت کی دیوار ثابت ہوا انہیں سو سال بھی مزید دئیے جائیں تو نتیجہ صفر ہی نکلے گا اب عوام کے صبر کا پیمانہ لبریز ہو چکا ہے عوام دشمن حکومت مزید نہیں چل سکتی اور کرونا وائرس کی روک تھام اور انتظامات کی فراہمی میں مکمل طور پر ناکام رہی۔