پشاور، افغان پاسپورٹس پر سموں کا اجرا، 10 افراد گرفتار، لیپ ٹاپس، موبائل فونز برآمد

پشاور (انتخاب نیوز) پاکستان ٹیلی کمیونیکیشن اتھارٹی (پی ٹی اے) نے وفاقی تحقیقاتی ایجنسی (ایف آئی اے) کے ساتھ مل کر افغان پاسپورٹ پر سموں کی غیر قانونی فعالیت، افغان پاسپورٹوں میں ٹیمپرنگ اورجعلی ویزوں پر سموں کے اجراءپر پشاور میں تین مختلف مقامات پر کامیاب چھاپے مارے۔ چھاپے کے دوران مجموعی طور پر دس 10 مشتبہ افراد کو گرفتار کرلیا گیا جبکہ 450 افغان پاسپورٹس، 3 لیپ ٹاپس، 4 پی سیز اور 15 موبائل فونز قبضے میں لے لیے گئے۔ یہ چھاپہ سموں کے غیر قانونی اجراءکی روک تھام کے حوالے سے پی ٹی اے کے عزم اور مسلسل کاوشوں کو ظاہر کرتا ہے۔