بحرہ عرب میں میری ٹائم اور کسٹمز کی مشترکہ کارروائیاں، 5 روز میں اربوں روپے مالیت کی منشیات پکڑ لی

حب (انتخاب نیوز) میری ٹائم سیکورٹی ایجنسی اور کلکٹریٹ آف کسٹمز انفورسمنٹ کی جانب سے کانٹر نارکوٹکس آپریشن تفصیلات کے مطابق نارکو سمگلروں کے خلاف انسداد اسمگلنگ مہم میں PMSA اور کلکٹریٹ آف کسٹمز انفورسمنٹ کراچی نے مشترکہ طور پر گزشتہ پانچ دنوں میں بحیرہ عرب میں انٹیلی جنس پر مبنی مسلسل تین انسداد منشیات کے آپریشن کامیابی سے کئے۔بین الاقوامی مارکیٹ میں تقریبا 3.0 ارب روپے (PKR) مالیت کی نارکو اسمگلنگ کو آپریشن کے دوران روکا گیا، 15 اسمگلروں کو ان کی کشتیوں سمیت گرفتار کر لیا گیا اور انہیں قانون کے مطابق مزید تفتیش اور ضروری کارروائی کے لیے کلکٹریٹ آف کسٹمز انفورسمنٹ کراچی کے حوالے کر دیا گیا۔ان کارروائیوں کے دوران ایک کشتی کے سمگلروں نے اپنی کشتی کو آگ لگا دی اور سمندر میں کود گئے، کشتی فوری طور پر ڈوب گئی تاہم تمام سمگلر اور کچھ مقدار میں نارکو سمندر سے برآمد کر لیا گیا۔گزشتہ تین ہفتوں میں PMSA نے چار کامیاب اینٹی نارکو آپریشنز کیے اور تقریبا 8.0 بلین روپے (PKR) کی نارکو سمگلنگ کو روکا۔ ان کارروائیوں کے دوران مجموعی طور پر 21سمگلروں کو بھی گرفتار کیا گیا۔پاکستان میری ٹائم سیکورٹی ایجنسی اور کلکٹریٹ آف کسٹمز انفورسمنٹ کراچی کا کامیاب آپریشن جس کے نتیجے میں بڑی مقدار میں منشیات کی ضبطی اس حقیقت کا ثبوت ہے کہ ہم پاکستانی پانیوں کو کسی بھی غیر قانونی کام/مقاصد کے لیے استعمال کرنے سے روکنے کے لیے چوکس اور پرعزم ہیں پاکستان میری ٹائم سیکورٹی ایجنسی سمندر میں امن و امان قائم کرنے کے لیے اپنی قومی ذمہ داریوں اور ذمہ داریوں کو نبھاتا رہے گا۔