گورنر سندھ نے 2 سرجنز کو ڈاکٹر آف سائنس کی اعزازی ڈگریاں دینے کی منظوری دیدی
کراچی(انتخاب نیوز)گورنر سندھ کامران ٹیسوری نے 2 سرجنز کو ڈاکٹر آف سائنس کی اعزازی ڈگریاں دینے کی منظوری دے دی۔ڈاﺅیونیورسٹی آف ہیلتھ سائنسز کے وائس چانسلر پروفیسر سعید قریشی نے کہا کہ ڈاکٹر آف سائنس کی اعزازی ڈگریاں ڈاﺅ یونیورسٹی پہلی بار دے گی۔پروفیسر سعید قریشی نے کہا کہ سرجنز کو ڈاکٹر آف سائنس کی ڈگریاں دینے کی سفارش یونیورسٹی سنڈیکٹ نے کی۔وائس چانسلر نے کہا کہ پروفیسر محمد منصور محی الدین اور ڈاکٹر فیصل مسعود ڈار کو رواں ہفتے ڈاکٹر آف سائنس کی اعزازی ڈگری دی جائے گی۔انہوں نے کہا کہ پروفیسر منصور محی الدین نے سور کا دل انسانی جسم میں لگا کر بین الاقوامی شہرت حاصل کی، وہ ڈاﺅ میڈیکل کالج کے گریجویٹ ہیں اور امریکا میں پریکٹس کرتے ہیں۔ڈاﺅیونیورسٹی آف ہیلتھ سائنسز کے وائس چانسلر نے کہا کہ پروفیسر فیصل مسعود ڈار پاکستان کڈنی اینڈ لیور انسٹی ٹیوٹ کے سربراہ ہیں، وہ 2 ہزار سے زائد لیور ٹرانسپلانٹ کر چکے ہیں۔پروفیسر سعید قریشی نے کہا کہ پروفیسر فیصل سعود ڈار نے پاکستان کے 4 بڑے ہسپتالوں میں لیور ٹرانسپلانٹ شروع کئے ۔
