اسلام آباد خودکش دھماکہ، گاڑی میں خاتون کی موجودگی کے ثبوت نہیں ملے، سیکورٹی ذرائع

اسلام آباد (انتخاب نیوز) اسلام آباد کے علاقے آئی ٹین فور میں ہونے والا دھماکا خوش کش تھا، حملہ آورنے خودکش جیکٹ سے دھماکا کیا، خودکش جیکٹ میں تقریباً 12 سے 15کلو بارودی مواد موجود تھا، گاڑی میں بارودی مواد موجود نہیں تھا۔ حملہ آورنے خودکش جیکٹ سے دھماکا کیا، خودکش جیکٹ میں تقریباً 12 سے 15کلو بارودی مواد موجود تھا، گاڑی میں بارودی مواد موجود نہیں تھا۔ ذرائع کا کہنا ہے کہ سکیورٹی ادارے ٹیکسی ڈرائیور کے بیٹے تک پہنچ گئے ہیں، خودکش حملہ آور نے ٹیکسی کرائے پر لی تھی، گاڑی میں خاتون کی موجودگی کے ثبوت نہیں ملے، واقعے میں خودکش حملہ آور کے علاوہ ڈرائیور بھی ہلاک ہوا۔ خودکش حملہ آور نے ٹیکسی کرائے پر لی تھی، گاڑی میں خاتون کی موجودگی کے ثبوت نہیں ملے، واقعے میں خودکش حملہ آور کے علاوہ ڈرائیور بھی ہلاک ہوا۔ پولیس حکام کا کہنا ہے کہ انہیں جائے وقوع سے 2 افراد کے جسمانی اعضاء ملے ہیں، گاڑی میں عورت کی موجودگی کی اطلاع غلط ثابت ہوئی، جائے وقوع سے حاصل فنگر پرنٹس اور شواہد نادرا کو بھجوا دیے ہیں۔ پولیس حکام کا کہنا ہے کہ جائے وقوع سے دو مختلف افراد کی شناختی دستاویزات ملیں۔ ڈائریکٹر پمز خالد مسعود کا بھی کہنا ہے کہ کسی خاتون کو زخمی یا مردہ حالت میں اسپتال نہیں لایا گیا۔ پولیس حکام کا کہنا ہے کہ ایک عینی شاہد نے کار میں خاتون کی موجودگی کی اطلاع دی تھی لیکن دھماکے کی جگہ سے کسی خاتون کی موجود گی کے آثار یا شواہد نہیں ملے، زخمی اہلکاروں نے بھی ابتدائی بیان میں کار میں کسی خاتون کے ہونیکی تصدیق نہیں کی، واقعے سے متعلق جمع شواہد کی تمام پہلوؤں سے تفتیش کی جارہی ہے۔ وفاقی وزیر داخلہ رانا ثنا اللہ کا کہنا ہے کہ جس گاڑی کو حملے میں استعمال کیا گیا وہ آج صبح راولپنڈی سے اسلام آباد میں داخل ہوئی۔ وزیرداخلہ نے بتایا کہ گاڑی اسلام آباد میں ہائی ویلیو ٹارگٹ کو نشانہ بنانے کیلئے روانہ کی گئی تھی، ایگل اسکواڈ نے دوران گشت مشکوک سمجھتے ہوئے گاڑی کو روکا، اسی دوران گاڑی میں دھماکا ہوگیا جس میں ایک پولیس اہلکار جاں بحق اور 6 زخمی ہوگئے۔ وزیرداخلہ نے بتایا کہ پولیس کی فرض شناسی سے اسلام آباد بڑے حادثے سے محفوظ رہا، فرض شناسی پر اسلام آباد پولیس کو خراج تحسین پیش کرتا ہوں۔ وزیر داخلہ نے بتایا کہ پولیس کی فرض شناسی سے اسلام آباد بڑے حادثے سے محفوظ رہا۔ جاں بحق اہلکار عدیل حسین کے ورثاء کو معاوضہ دیا جائے گا۔