محکمہ جنگلات و جنگلی حیات کی کارروائی، 40 کے قریب شکار کی گئی کونج برآمد، دو ملزمان گرفتار

بارکھان (انتخاب نیوز) محکمہ جنگلات و جنگلی حیات کی جنگلات چیک پوسٹ پر رات گئے کارروائی۔ ایک مسافر کوچ اور ایک مزدہ سے چالیس کے قریب شکار کی گئی کونج برآمد کرلی۔ محکمہ جنگلات اور جنگلی حیات کے ڈائریکٹر زبیر کاکڑ نے کہا ہے کہ شکار کی گئی کونج میں سے اکثر دم گھٹنے کے باعث مرگئیں، کارروائی میں دو ملزمان کو بھی گرفتار کرلیا گیا۔ ملزمان کونجیں ژوب سے پنجاب منتقل کرنے کوشش کررہے تھے۔ برآمد کونجیں کوئٹہ میاں غنڈی پارک منتقل کردی گئی ہیں۔