قلات میں کورونا سے متاثرہ افراد کی تعداد 32ہوگئی

قلات: ایم ایس پرنس کریم آغاخان ہسپتال قلات ڈاکٹر علی اکبر نیچاری نے کہا ہے کہ قلات میں کوروناوائرس تیزی سے پھیل رہا ہے قلات میں اب تک 32 افراد کے ٹیسٹ مثبت آگئے ہیں اور بیالیس کے ٹیسٹ رزلٹ ابھی تک پینڈنگ میں ہیں اگر شہریوں نے احتیاطی تدابیر اختیار نہیں کی مریضوں کی تعداد میں کئی گنا اضافہ ہو جائے گا ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا انہوں نے کہا کہ قلات میں لوگ احتیاطی تدابیر پر عمل نہیں کررہے ہیں جس کی وجہ سے قلات میں کورونا وائرس تیزی کے ساتھ پھیل رہا ہے مگر ٹیسٹ نہیں ہونے کی وجہ سے ابھی تک کورونا وائرس کا شکار مریضوں کی تعداد کم لگ رہی ہے انہوں نے کہا کہ ہم نے ابھی تک قلات میں 32 افراد کے ٹیسٹ پازیٹو آگئے ہیں یہ قلات کے شہریوں کے لیئے خطرے کی گھنٹی ہیں انہوں نے کہا کہ عوام بغیر ضرورت کے آ]نے گھروں سے نہ نکلے تاکہ کوروناوائرس کو اپنے گھر لیجانے سے محفوظ رہے۔