القادر ٹرسٹ کیس ، بشریٰ بی بی عدالت میں پیش،حفاظتی ضمانت منظور

اسلام آباد (مانیٹرنگ ڈیسک)سابق وزیر اعظم عمران خان کی اہلیہ بشریٰ بی بی القادر ٹرسٹ کیس میں حفاظتی ضمانت کیلئے لاہور ہائی کورٹ پہنچے۔ عدالت نے بشریٰ بی بی کی حفاظتی ضمانت 23 مئی تک منظور کرلی۔ عدالت میں پیشی کے وقت بشریٰ بی بی کے ارد گرد سفید کپڑے کا حصار بنایا گیا، تفصیلات کے مطابق بشریٰ بی بی ضمانت قبل ازوقت گرفتار ی کے لئے عمران خان کے ہمراہ لاہور ہائی کورٹ میں پیش ہوئیں۔ بشریٰ بی بی کی جانب سے القادر یونیورسٹی ٹرسٹ کیس میں حفاظتی ضمانت کے لئے درخواست پر جسٹس سید شہبازعلی رضوی کی سربراہی میں دورکنی بینچ نے کی۔چیئرمین تحریک انصاف عمران خان کی اہلیہ بشریٰ بی بی نے خواجہ حارث ، انتظار پنجوتھہ اور علی اعجاز بٹر کی وساطت سے درخواست دائر کی تھی جس میں وفاقی حکومت ، نیب اور دیگر کو فریق بنایا گیا ہے۔درخواست میں موقف اختیار کیا گیا کہ نیب نے القادر ٹرسٹ کیس میں تحقیقات شروع کر رکھی ہے، نیب کی جانب سے جاری تحقیقات غیر قانونی ہیں، خدشہ ہے نیب کی جانب سے گرفتار کیا جا سکتا ہے ۔درخواست میں عدالت سے استدعا کی گئی تھی کہ اسلام آباد کی احتساب عدالت سے رجوع کرنا ہے، 10روز کے لئے حفاظتی ضمانت منظور کی جائے۔ عدالت کی جانب سے 23مئی تک حفاظتی ضمانت منظور کئے جانے کے بعد عمران خان اور بشریٰ بی بی واپس زمان پارک روانہ ہو گئے۔