عرب لیگ کا اجلاس، شام کے صدر بشار الاسد جدہ پہنچ گئے، بھرپور استقبال
جدہ (مانیٹرنگ ڈیسک) عرب میڈیا کے مطابق عرب لیگ کے بتیسویں اجلاس میں شرکت کیلئے شام کے صدر بشارالاسد سعودی عرب کے شہر جدہ پہنچ گئے۔ بارہ سال بعد عرب لیگ میں شام کے دوبارہ شامل ہونے پر شامی صدر بشار الاسد عرب لیگ کے اجلاس میں شرکت کرنے سعودی عرب پہنچ گئے۔ شامی صدر بشارالاسد کے جدہ ائر پورٹ پہنچنے پر سعودی حکام کی جانب سے ان کا استقبال کیا گیا۔ مصر کے صدر، بحرین کے شاہ حمد بن عیسیٰ، فلسطینی صدر محمود عباس بھی جدہ پہنچ چکے ہیں۔ شام کی عرب لیگ میں دوبارہ شمولیت کے بعد سعودی عرب نے شامی صدر کو مدعو کیا تھا۔ شام میں ہونے والی خانہ جنگی میں عوام اور مظاہرین سے روا شامی حکومت کے ناروا سلوک کیخلاف 2012ءمیں شام کو عرب لیگ سے نکال دیا گیا تھا اور بیشتر عرب ممالک نے شام سے تعلقات منقطع کرلیے تھے۔
Load/Hide Comments
