کوئٹہ، بلوچستان فوڈ اتھارٹی کی کارروائیاں ،15سے زائدخوراک کے مراکز پر جرمانے عائد
کوئٹہ (مانیٹرنگ ڈیسک)عوام کو معیاری و صحت بخش خوراک کی فراہمی کیلئے بلوچستان فوڈ اتھارٹی کی کوئٹہ شہر کے مختلف علاقوں میں کارروائیاں جاری ہیں۔ اس ضمن میں بی ایف اے حکام نے دوران انسپیکشن کوئٹہ کے مختلف علاقوں میں حفظان صحت کے اصولوں کی خلاف ورزی پر 15 سے زائد مراکز پر جرمانے عائد کردئیے۔ جناح روڈ و ملحقہ علاقے میں جرمانہ کیے گئے 3 ہوٹلوں اور 2 چاٹ کارنرز کو صفائی کی ابتر صورتحال و ورکرز کی جانب سے ایس او پیز کی خلاف ورزی پر جرمانہ کیا گیا، 1 جنرل اسٹور سے مضر صحت گٹکاپان پراگ برآمد ہوا جبکہ 1 بیکنگ یونٹ کے خلاف بیکنگ احاطہ میں گندگی، جراثیم زدہ بیکنگ ٹریز، اشیاء کی تیاری میں خراب و استعمال شدہ کوکنگ آئل کے استعمال اور حتمی پراڈکٹس پر تنبیہ کے باوجود مینوفیکچرنگ و ایکسپائری تواریخ ظاہر نہ کرنے پر ایکشن لیا گیا۔اسی طرح سریاب روڈ اور سیٹلائٹ ٹاؤن میں لائسنس کی عدم دستیابی سمیت مختلف وجوہات پر 9 خوراک کے مراکز کے خلاف کارروائی کی گئی۔ ترجمان بی ایف اے کے مطابق 8 خوردنی اشیاء کے ہولسیل مراکز کے فوڈ بزنس لائسنس نہیں تھے جبکہ 1 مصالحہ ٹریڈر سے ناقص فوڈ کلرز و چائنیز نمک برآمد ہوا، جنہیں ضبط کرکے دکان مالک کے خلاف کارروائی کی گئی۔
